Shillong: Ka Mizoram kawa man leh kam ka Defending Champion da psiah Final ko haka Hero Junior National Football Championship ka Dr. BC Roy Trophy deiwa jop yaka Meghalaya da 1-0 haka yalehke Semi Final wa ya thaiñ bha ha JN Stadium ynne ka sngi.
U K Lalchhuansanga da yoh u wow thap kool dei khlieh haka minit wa 87. Kani man ko leh ka kool wa nyngkong wa chah thap ka Meghalaya kawa pynkut leh yaka luti yong ka wow jop ya kani ka lympung yalehbol.
Ka Mizoram daw yachem ko yaka Punjab lane ka West Bengal haka Final haka 6 tarik. Ka Punjab da jop ko ya waroh le tylli ki yalehke yong ka wei u yachem ko waka West Bengal kawa ye u ong kawa man ka liang wa tlot dooh wa psiah Semi Final.
Ka yalehke mynstep:
Semifinal 2 – Punjab vs West Bengal, 1:00pm, JN Stadium.
Discussion about this post