Shillong: Ka Punjab daw yachem ko waka West Bengal haka Semi Final wa ar ka Hero Junior National Football Championship ha ka Dr. BC Roy Trophy hadien wa yoh nyngkong ki ha ki jar jiar ki Group yong ki ka B wa D ynne ka sngi.
Ha i step, ka Punjab da psiah Semi Final ko deiwa jop da 2-0 yaka Jharkhand. U Seilenthang Lotjem (34′) wa u Abhishek Rattu (51′) toh kiwa thap kool heiwa u Lotjem da thap u yaka kool wa 6 u ha kani ka lympung. Ka Punjab da man ko ka liang kawa jop lut ya waroh le ki yalehke yong ka wei ym pu em chah thap kool ko.
Haka Group B, ka Kerala da wan ko nadien yow pynrem yaka Manipur da 3-1. U Mynam Arif Hussain (11′) da thap kool u yaka Manipur tangwa ka Kerala da thap kool won ko lyngba u Mohammed Aimen (44′), Jishnu P (61′) wa u Hafis PA (89′) yow yoh wa ar ko, ka Jharkhand wa le katwa ka Manipur hei wa soo.
Haka Group D, ka West Bengal da knieh ko yei thaw ka Karnataka yow yoh nyngong. Chwa ynne ka sngi, ka West Bengal da yalehke ko ar tylli ki yalehke wa kut khlem wa yoh u thap kool, tangwa ynne da yoh ki wow thap ar tylli ki kool lyngba u Sani Basu (62′, 76′).
Sa kawi ka yalehke ynne ka sngi toh hapyrdi ka Chhattisgarh waka Jammu & Kashmir kawa kut 1-1.
Ka yalehke mynstep toh ka Semi Final hapyrdi ka Mizoram waka Meghalaya ha JN Stadium heipor 1:00 i sngi.
U Wadajied Kynsai Ryngkhlem toh uwa yalehke wa hap pait bha ka Mizoram uwa da thap la 5 kool.
Discussion about this post