Shillong: Ka Meghalaya da jop ko yaka yalehke wa khaddooh yong ka haka Group B ynne haka Dr. T Ao Trophy 2020 da 8-1 pyrchah yaka Assam ha Kohima, tangwa da kut i luti ko deiwa dooh ko wow psiah Semi Final.
Ka Meghalaya da leh ko yeiwa toh u leh ko deiwa pynrem yaka Assam, tangwa emkaam ki leh yaka Mizoram wow jop yaka Sikkim haka yalehke wa bood ynne ka sngi yow psiah Semi. Kamwa jia, ka Sikkim da jop ko da 2-1 yaka Mizoram (kawa da yoh chwa wow psiah Semi Final) deiwa yoh 7 Point katwa ka Mizoram da yoh wa ar ko da 6 Point. Ka Meghalaya da yoh wa le da 4 Point katwa ka Assam da yoh wa soo ko deiwa rem ha waroh le tylli ki yalehke yong ka.
Kiwa thap kool yaka Meghalaya ynne ka sngi toh u Samuel Lyngdoh Kynshi (18′, 57′, 70′) wa u Dawanchwa Challam (46′, 60′, 63′) kiwa yoh Hat-trick wa ki chi kool na u Shano Tariang (23′) wa u Stephanson Pale (81′).
Discussion about this post