Ka High Court ka Meghalaya hawa chong bichaar biang ya ka mukotduma heiyatoh wa kiwa chongdai madan hadien wa phah ya ka Shillong Municipal Board wow chim yukheiñ katwon ngut em ki ha Laitumkhrah heiwa da e jubab ka Board wym em uwi leh na ki wa em ya ka Certificate of Vending (CoV).
Katkam wa chim yukheiñ ka Board da em 122 ngut kiwa chongdai madan wei katkam ki kyndon ka aiñ, du 22 ngut donhi kiwa em hok wow yoh ya ka CoV wei kini ki 22 leh toh ki wym em ya kani ka CoV wei najrong kini ki 122 ngut da em leh sa 48 ngut kiwa da wan wow kam ya idæ kam kiwa chongdai madan.
Ka yung bichaar da chem ko leh wa kani ka Report wa da e ka Municipal toh kawa da leh ha u bnai nyngkong u snem 2024 wei ym em leh ya ka Survey hadien wa da hukum ka High Court wow leh ha u Naisaphra uni u snem.
Kamtæ da phah wow lai leh ya ka Survey wa bniah yow chim yei pyrtuid kiwa chongdai kamjooh ki jait mar wa dai ki deilang i thaw wa chongdai ki iwa hap wow pyndep hapoh uni u bnai wei hadien wa leh yeini ymtoh de wow em uwi leh wa wan chongdai thymme ha kini ki thaw kat wym pu pynmih hukum da kamwi.
Da phah leh ya ka Board wow e laad ya kitu kiwa chongdai kiwa em hok wow yoh CoV ki wym pu em booh Application katkam ka aiñ.
Ka High Court da ong ko leh wow thooh thaw deiwa biang yow kyrriah ya kini kiwa chongdai.
Discussion about this post