U District Magistrate ka East Jaiñtia Hills ynne ka sngi da pyntip u wa ha i miet yong ka lehniam Thang Charak namo Diwali kiwa ngait niam Hindu ka wow man ha ka 4 tarik uni u bnai daw chah wow thang ya ki bomkala du ar kynta donhi, itæ na ka 8:00 waje i met hadooh ka 10:00 waje i miet.
Kam wow kdaw heini ki bor District ynnin ka sngi da pynmih hukum hapoh ka kyndon 144 CrPC heiwa da khang yei dai, i thied ya ki bomkala wa chna na baar ri.
Da khang wow pynemkaam ya ki bomkala wa pteiñ (Series crackers or Iaris) kiwa ye u pdung yong-heh, i pynmih tdem rap boon, wei kiwa ye u ieh yei jhep chadien (Solid waste), wow thang ya ki bomkala wa pdung yei ood wa palat 125 dB (A1) of 145 dB (C) Pk hapoh 4 meter nei thaw wa thang.
Chooh chooh da khang wow thang bomkala hapoh 100 meter na ki thaw sumaar, ki thaw puræ, ki yung bichaar, ki yung mane blai wa kiwi ki thaw kiwa man kam ki Silent Zones.
