Ka yalang ka Hindi Advisory Committee ka Ministry of Heavy Industries da pynman ynnin ka sngi ha Gangtok, Sikkim heiwa u Dr. Mahendra Nath Pandey, Union Minister ka chnat Heavy Industries da man u kam u chongknor.
U Pandey hawa e yei klam da kyntu u wow kyrchaan wei wow pynmankaam yei thmu u Prime Minister yow pynman ya ka India wa ye u pyndap yeiwa emkaam ko wei emkaam leh wow pynemkaam boon ya ka ktien Hindi deiwa burom leh ya kiwi ki ktien wa klam ha kiwi ki thaw. U Minister da ong u leh wa ki kot ki sla (File) wa pdiang hapoh ka yung krehkaam yong oo toh du da i ktien Hindi donhi.
Da khana u leh yei jied ya ka Sikkim kam ka yalang wa nyngkong ka Committee man ko kam chibynta ini wei kam ka dak wow leh yeini. Da ong u leh wa i rukom khut yow man dkhot ka Parliamentary Official Language Committee waka Hindi Salahkar Samiti toh u sdang noh khamtam neibynta ka Hindi Fortnight.
Ka Rajya Sabha MP, ka Seema Dwivedi wa u Lok Sabha MP (Bulandshahar), u Bhola Singh leh da emlang ki ha kani ka yalang deilang wa u Secretary ka Ministry of Heavy Industries, u Arun Goyal, Joint Secretary, u Vijay Mittal, Director, u Shri Rajnesh Singh wa u Vikas Dogra kiwa napoh ka Ministry hi.
Ki dkhot ka Committee kynthup ki ya ki Non-official Members ka Hindi, u Prof. Puran Chand Tandon (University of Delhi), Prof. Okean LEGO (Rajiv Gandhi University, Arunachal Pradesh), Dr. Santram Vaish (Retired Professor of Hindi, Gurukul Kandi University) wa Dr. Bandana Pandey (Gautam Buddha University, Noida).
U Bhola Singh da wanrah u ya ka phang wa da joor ware da pynemkaam da ki kyntien English ha ki kattu katni ki Company. U Prof. Tandon da kdaw u yei thylli ki chuki ki Director ha ki 5 tylli ki Hindi Institution ka sorkar pyrdi heiwa u Pandey da ong u wa daw thoh u cha u Home Minister heiyatoh wa ini.
Ka Hindi Salahkar Samiti toh ka Committee wa da thung ha kawi pa kawi ka Ministry ka sorkar pyrdi yow pynchlur yei pynemkaam ya ka ktien Hindi ha ki kaam ki jaam, kawa toh u pynman yalang ym duna arsien chi snem. Kani ka yalang wa pynman ha Gangtok ynnin ka 15 tarik toh kawa nyngkong yong kani ka Committee kani ka Ministry.
