Hadien wa pteiñ i chah ktah ki bru ha ka khlam COVID-19 ha ka jylla wa khamtam ha ka Ri-loom Jaiñtia, neiliang ki bor sorkar da pynmih ki ya ki hukum wa ki kyndon kiwa ha rukom wow khang yei poor kani ka khlam.
Ha kani ka kynti neiliang u Pastor In-charge, Balang Presbyterian Jowai, u Rev. C.L. Laloo da kyntu u ya ki khon ka Balang kamjooh ki khon ka Ri-loom Jaiñtia hi waroh kawi wow man ki ki bru kiwa chimkhia pyn da-i, ya ka yung ka sem wa ka chnong ka thaw wymtoh de wow kheiñstiñ khamtam hadien wa khlaad boon tylli ki mynsien na kani ka khlam COVID-19.
Da kyntu u yei yakrehlang ki bru wa ka sorkar khamtam ka chnat yong i chait i khiah deiwa bood ya ki kyndon wa da booh heiyatoh wow yada na kani ka khlam khnang wow ye u pyntkut ya u kynjri u khñiang COVID-19.
Chooh chooh da kyntu u wow pynduna yei lai i wan, u yachem ha ki thaw paidbah wow mih du hawa ymyohsa donhi wei wow em i mynsien sñiawkhia ya ka chnong Jowai, ka Ri-loom Jaiñtia wa ka jylla Meghalaya khnang wow man ki bru kiwa jop pyrchah ya kani ka khlam.
Da kyntu u leh wymtoh wow man kiwa tieñsar wow chim ya ka tika (Vaccination) wei ymtoh wow ngait ya ki khubor hamsaya heiyatoh wa ini i dawai khnang wow ye u yada nei poor uni u khñiang kjut.
Ya i kyntu u Rev. C.L. Laloo ye phi ki wow pait heini hawah:
