I mih i ya kynaad ha khappood ka Meghalaya waka Assam da pteiñ i hadooh ynne ka sngi heiwa da em biang i ya siat watur, yasiat ryntieh hadooh wa ki pulit ka Assam da siat ki 5 tylli ki Tear Gas chapoh Meghalaya ha Lapangap heipor wa em i yaleh hapyrdi ki Karbi wa ki Pnar.
Hawa klam ynne ka sngi wa kiwa thoh khubor, u Paul uwa man leh kam uwa e ktien kamjooh u Montri ka sorkar jylla, da ong u wa i kynaaad ym toh de iwa dang thymme ha ki thaaiñ khappood, tangwa ka luti wow pynkut ya ini toh lyngba i ya pynbait ya u pood u ang waka Assam.
Da kyrmen u leh wa chwa u kut u 2023, ka soskular daw yasoi noh hapyrdi ka Meghalaya waka Assam yow pynkut ya ini i ya kajia.
Da khana u wa u Montri Rangbah ka jylla, u Conrad K Sangma da yaklam u wa u Montri Rangbah ka Assam, u Himanta Biswa Sarma hajrong ini wa da jia ha Lapangap.
U Paul da ong chooh chooh u wa da em 2500 ngut ki pulit kiwa dang chah sikai katni wei hadien wa da dep ki yei chah sikai daw ye wow pynemkaam cha khappood wei sa 1500 ngut daw pynpsiah pulit ha u snem wow wan neibhah kamwa man katni, ka chnat pulit da ya ksaaid bha ko neibhah wa duna bru.
Hajrong ka thaaiñ Langpih, u Paul da ong u wa ha ka yalang wa ki Montri ka sorkar, da rai wow lai pait ha u Naichiphaw wow wan chwa wow e kti ya ka bui (Report) ha u Khonchonglad (Nov) uni u snem.
“Katni ka thaaiñ Langpih da rap jai-jai ko hawa nujor wa ki por wa nachwa,” da ong u Paul uwa man leh u Chairman ka Regional Committee ka West Khasi Hills.
Puræ leh: Siat ki pulit Assam 5 tylli ki Tear Gas chapoh Meghalaya ha Lapangap
Discussion about this post