Ka Dorbar Chnong Sohmynting, West Jaiñtia Hills District lyngba u Waheh Chnong wa ki dkhot ka Executive Committee haka yalang wa pynman haka 11 tarik uni u bnai da chim ko yaka rai u pyntip paidbah wa ya kawon kawon ka yalang Election ym chah u pynman hapoh ki dong ki chnat, tangwa toh u pynman bait haka Dorbar Hall yong ka chnong.
Neiliang ka Dorbar Chnong pdiang sñiawbha ko ya waroh ki kyrtong ka 2-Jowai Constituency wow paan bor ki naka Dorbar Chnong u pynman yalang ha Dorbar Hall ha kawon kawon ka por.
I daw wa da rai u e laad pynman yalang du ha Dorbar Hall toh wa ka chnong pyrkhat ko yei bha i miat yong ka chnong ka thaw ha kiwa boon ki liang, kamjooh leh nadooh i khooid i jngiar.
Kamtæ ka Dorbar Chnong kyrpaad ko leh ya kiwa yalap Election wow burom ki yaka rai yong ka chnong deiwa ya krehlang neibynta i bha i miat.
