I pynkrehkaam ya ka FASTag wow khrong dan ha ki Toll Plaza ha ka ri India da ku bha i heiwa du ha ka 29 Naitung 2023, i khrong dan lyngba ka FASTag da kynjoh i hadooh T. 193.15 Klur na ki 1.16 tylli ki kari ha ka chi sngi.
Nadooh wa pynkrehkaam ka sorkar ya ka FASTag ha u Thohlakhmi 2021, ki Toll Plaza hapoh ka FASTag Programme da kynjoh i na ka 770 cha ka 1,228 tylli ki Plaza, kiwa kynthup ya ki 339 tylli ki State Toll Plaza.
I pynemkaam ya ka FASTag da kiwa lai lyngba ki sarokbah da ku bha i iwa da yarap bha wow chna ya ki sarokbah ha ka ri.
Hajrong i pynkrehkaam ya ka FASTag da ye u pyndooh yei su da ka poisa wei kamjooh ka bai pynyieñ kari ha ki 140 tylli ki Parking Lot ha palat 50 tylli ki sor ka ri.
