Ka Dorbar Chnong Mihmyntdu da pynbna ko ya ki kyndon yaleh Election MLA 2023 heiwa ha uni u snem u chah wow pynman ya ka yalap Election chi sngi donhi neibynta uwi pa uwi u kyrtong wei du chi thaw donhi itæ ha madan Wahriong Mihmyntdu wei ym chah de wow pynman ha kiwi ki dong wa ki thaw ka chnong kam nachwa.
Ya ka tarik ye ki kyrtong wow jied da ka yong ki hi wei ym em mut wow pynman chisien pynman ya waroh ki kyrtong chisien pynman.
Ym em u khang pyrchah yei wan ki paidbah kiwa na baar ka chnong cha ki yalang yalap Election wei toh u pynkut hapoh 10:00 waje i miet.
Hadien ka 10:00 waje i miet ym chah de ya ki kari wow pynheh sur lane wow pynemkaam ya ki tanghæng.
Da kyrpaad ya ki paidbah wow sñiawbha wow lehkhooid ya ka madan wa ki thaw pynyieñ kari.
Da khang ya kiwon kiwon kiwa pynmih kulmar wei wow klam khlem akor ha kawon kawon ka yalang yalap Election da uwon uwon u kyrtong.
Ya kiwa pynlai ya ka yalang namo ki Chiarman ya kiwon kiwon ki yalap Election da rai wow pynlai da u lane ka EC Member ka chnong.
48 kynta chwa ka sngi wow thap Vote da khang pyrchah ya ki bru kiwa na baar ka chnong/dong wow wan psiah ki yow yalap Election hapoh ka chnong.
Ya ki yalang yalap Election u ye u pynman du hadien wa da yoh bor na ka chnong.
