Ki heh chipai ka Border Guard Bangladesh (BGB) hapoh i yahkhmat u Director General Maj. Gen. Md. Shafeenul Islam da yachem ki ya ki heh ka Border Security Force (BSF) ha New Delhi hapyrdi ka 26 wa 29 Kmaichonglad 2019.
Ha ini i yachem ki chipai na pyn ar ri da yaklam ki ya i khayi tooh cha chiliang pood (Cross-border Smuggling) wa ki kaam ki damok wa kiwi kiwi wa yatoh ha u pood uwa 4,096 km hapyrdi kini ki ar ri.
Ha ini i yachem ym em u yaklam iwon iwon hajrong ka NRC neibhah wa man i i kaam pohyung ka ri India.
Ha kani ka yachem neiliang ka BGB da dawa ko na ka BSF wow sangeh u tynyap ya ki bru ka ri Bangladesh ha u pood iwa da ku ha u 2019 heiwa da antaad wa da yap hadooh 35 ngut.
Neiliang u Islam da ong u leh wa ka BSF pyrchang ko u pynduna u pynemkaam dei bor hadien wa chah pynthut ki ha ki damok wa kiwa tooh ha khappood.
Neiliang ka BSF leh da pynche ko wa i yap ki bru ka Bangladesh ha khappood, deiwa ong wa ki chipai ka BSF yaleh ki u pynemkaam da ki tiar ki wym khlan bor (Non-Lethal).
Chooh chooh ka BSF da ong ko wa i daw wa emkaam u siat da ki suloi toh wow yada pyndaki yaki hi (Self-Defence) hadien wa chah kær talawiar ki ha ki damok kiwa rah tiar pynmynsoo.
Discussion about this post