Du hadien wa chimkhia ka Congress sdang poi ki yarap wow sai ya kiwa chah kset ha krem mooyong: HM Shangpliang

Jowai: U HM Shangpliang da beiñ joor u ya u montri rangbah ka jylla u Conrad K Sangma wa ym em chimkhia u ya iwa chah kset ki 15 ngut ha krem mooyong wa em ha Ksan deiwa jubab donhi u wa da leh ka sorkar katwa ye ko wow sai ya ki.

U Shangpliang da ong u wa kattu la 2 tayaw da lai dang neh kamjooh biat ka kaam wow sai ya kiwa chah kset kawa ym poi cheiwon cheiwon leh.

Da e nongmuna u yeiwa jia ha Thailand ha uni Naiynru ha uni u snem heiwa 12 ngut ki khynnah yaleh bol deilang wa u Coach yong ki da chah kset ki hapoh kawi ka krem wei du hapoh le sngi da wan ki bru na kylleiñ ka pyrthai wow yarap sai ki na ini i krem.

Da ong u leh wa ka sorkar jylla da khyrngiat ko du hadien wa ka Congress nadooh u Rahul Gandhi da klam u leh ya kani ka kaam wei da sdang mih ki buit wa thymme wow paan yarap na kiwa chemphang wow leh ya kani ka kaam.

Related posts

Pynbna ka NPP ya ka thup wa le ki kyrtong MDC cha ka JHADC

January 15, 2025

Lada ka District Council wiar ko, ka jaitbru leh daw wiar ko: Rikut Parein

January 14, 2025

Chooh chooh da ong u wa ki 2 ngut ki montri ka sorkar jylla kiwa lai hiar cha kani ka thaw ym tip iyi chem ki namo boi walai ki wow pyndepkaam donhi.

Ka Ampareen won da ong ko wa hadien wa yachem wa u Assistant Commander ka NDRF da pyntip u cha ki wa sniaw hi u wa daw em ki kor wa daw poi cha kani ka thaw wei da tip u ya ini lyngba ka Social Media wei ini pynyoo ym em kattæ ka yakrehlang hapyrdi waroh kiwa emkti ha kani ka kaam wei kamjooh ym tip ki wa lada kini ki kor wa daw poi daw yarap ki namo ym ye ki u yarap wow sai ya kiwa chah kset. Wei lada kini ki kor poi ki ha kani ka thaw wa em hi næ ym em ki Generator wa ye u e bor ya ki katkam wa emkaam ki.

Chooh chooh da ong u wa hawa lai cha kani ka thaw khyrngiat ko wow yoo wa katwon boon u mooyong wa dang dep tih wa em cha rood sarok hadooh wa ki pulit da pyntip ki cha ka wa ki truck wa kit mooyong tooh hawa booh ki pulit ya ki Check Point boon ki truck lai bait ki ym sangeh ki iwa pynyoo wa hadooh katwon ym em krehkaam ka aiñ cha kani ka thaaiñ wei lada ym ye hi u khang ya kani ka kaam tih mooyong ye u pynemkaam ya ka Sixth Schedule ka Para 12 (b) yow pynman noh ya kani ka rukom tih mooyong kawa tipmit da ka aiñ wei lada ye u yarehlang wow tipmit ya ka ktien Khasi ye u krehlang leh wow pynlait biang ya i tih mooyong wei wow thooh laad ya i rukom tih mooyong ka wym ktah ya kiwa kreh wa ya rymaw neibhah wa sniawthooh wa ka khih mooyong toh ka ja kpoh kiwa boon hapoh ka jylla.

U Shangpliang da e nongmuna u leh ya iwa jia ya ka Agnes waka sorkar ym ye ko u kem ya kiwa emkti lait noh wa wan pyndem ki iwa pynyoo wa ka sorkar wa kheiñ stiñ bha ko ya kini ki kaam waroh.