U mot sahnaam u Syiem ka Hima Maratha, u Chhatrapati Shivaji Maharaj ya uwa da wai paidbah da u Prime Minister u Narendra Modi ha ka 4 tarik u Kmaichonglad (Dec) 2023 ha Rajkot Fort ha Sindhudurg District ka jylla Maharashtra da haap noh u ynnin.
Uni u mot toh uwa jrong 35 ft, da haap u heipor 1:00 waje i sngi wei neiliang ki heh pulit wa ki sahep sorkar dapoi ki ha ini i thaw wow tip yei daw wa haap uni u mot.
Neiliang ki bru chemphang dang takit ki yei daw khamtam wa ka District da sakhi ko ya u slap wa ka la’ær wa joor ha ki 2-3 sngi.
Hadien wa wai paidbah ya uni u mot da e kti noh cha ki bor District wow sumaar ya oo tangwa da haap noh u du hapoh 9 bnai.
Ya uni u mot da wai da u Narendra Modi kam chibynta yong ka Indian Navy Day wei heiyatoh wa ini ympu yoh kyntien na ka Indian Navy.
Neiliang ki pulit da e FIR ki pyrchah u Contractor u Jaydeep Apte wa u Chetan Patil uwa man kam u bru wa pait hadooh katwon chkeh uni u motdur heipor wa chna.
Discussion about this post