Du ka ILP wa ye u yada yaka jaitbru: CoMSO

Jowai: u Chairman ka CoMSO u Robertjune Kharjahrin da ong u wa ka Inner Line Permit (ILP) toh ka stieh wow yada ya ka jaitbru na i psiah wa na i yoh chong chnong chirta yong ki baar jylla wa ki baar ri ha ka jylla wa pynkrehkaam ya ka. Man ko leh ka tiar yaleh ka wow yada ya ki tre chnong na i chah tyllep noh ha ki heh paaid na baar jylla wa baar ri.

Da ong u leh wa u montri ka Home Affairs hawa jubab u ya i kylli ha Parliament da ong u wa i thmu yong ka ILP toh wow yada yei yoh psiah wei buhai chnong ki baar jylla ha ka jylla wa pynkrehkaam ya ka ILP khnang wow yada ya ki tre ri ha jylla wa em ko.

Kamtæ i dawa yong ka Confederation of Meghalaya Social Organization (CoMSO) ya ka ILP ha ka jylla Meghalaya ym toh kawa khlem yurim. Ka CoMSO da sñiaw ko wa du ka ILP kawa ye u yada yaka jaitbru. Ka sorkar da klam ko hajrong ka phang i poi psiah ki bru chapoh ka jylla khlem em ki kyndon nadooh ki snem kiwa da dep, nadooh wa dang em hapoh ka jylla Assam wei mar sien yoh ya ka jylla Meghalaya da klam ya kani ka kaam tangwa hadooh katni ym pu yoh ya ka yada wa pura.

Ka seiñ da pynkynmoo ko leh wa hapoh ka thaaiñ mihsngi, ka jylla Mizoram, Arunachal Pradesh wa Nagaland pynkrehkaam ki ya ka ILP. Ka Sikkim ka pynkrehkaam ko ya ka RAP wa ka PAP kawa ya sariem wa ka ILP. Ha Andaman & Nicobar Island leh em kam kani ka Permit. Ki ri ka pyrthai kylleiñ ki pynkrehkaam ki ya kam kani ka kyndon yow pait ya i wan psiah wa i wan buhai ki bru nabaar ha ki thaw wa chong ki bru-loom khang wow yada ya ki. Nalor ini ka Manipur Legislative Assembly la le sien da chna aiñ ko wow pynkrehkaam ya ka ILP System ha Manipur, wei dang ha u snem 2018 ka sorkar ha Manipur da mynjur ko wow pynkrehkaam ya ka ILP. Ha Nagaland dang ini wa da dep ka sorkar ka da booh ko da ka Special Committee kawa kyrpang wow pyrkhat u pynkrehkaam noh ya ka ILP ha Dimapur ka nongbah kawa khlem pynkrehkaam waroh chi kattu.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ ka seiñ ka dawa ko na u montri rangbah ka jylla u Conrad Sangma wa ym toh u pynman kaam Politics ya ka ILP wei toh u pynkrehkaam noh ya ka wut wut kam ka tiar wow yada ya ka jaitbru Ynñiawtrep wa ki jaitbru Garo ha Meghalaya.