Ka DC ka East Khasi Hills da pynmih hukum ko ynne ka sngi heiyatoh waka hukum wa da pynmih da ka sorkar jylla lyngba ka Home (Political) Department yow pynkylla noh ya ki kyndon wa da pynkrehkaam yow yada naka khlam COVID-19.
Kamtæ da pyndam yei pynkrehkaam ya ka Night Curfew ha waroh kawi ka District.
Ki kari ki bru samen hapoh ka East Khasi Hills u pteiñ ki wow lai deiwa bood ya ka Odd-Even Number tangwa ini ym krehkaam i ya ki kari ar chaka.
Du ki bru wa da dep yoh tika pura u chah wow psiah ki chapoh ki Restaurant/Cinema Hall/Bar/Club wa kiwi kiwi de. Wei ini toh i kitkhlieh ki tre kini ki thaw wow pyntikan wa waroh kiwa wan toh kiwa da dep yoh tika waroh arsien.
Ki yalang paidbah, ki bia emkaam wow yoh bor chwa ki na ka DC wei hap ki wow pynmyllien ya ki rukom im wow yada na u khñiang khlam.
Waroh ki dukan da chah wow wai ki ha ki sngi Bibar.
Hap leh wow deiñ ya ki Mask ha ki thaw paidbah wei wow yajngai uwi ya uwi.
