Ka sorkar Meghalaya lyngba ka chnat Directorate of Urban Affairs da pynbna ko wa da pynkhreh ya ka aiñ neibynta kiwa chongdai mandan, chongdai rood sarok kawa tip kam ka Meghalaya Street Vendors (Protection of Livelihood and Regulation of Street Vending) Draft Scheme-2023 wei ya kani ka Draft da booh ka Website ka chnat wei ye phi wow puræ ya kani deiwa lai heini.
Ka sorkar da e por ko ya ki paidbah 21 sngi yow e ki yei buit, wow kdaw yeiwa duna hapoh kani ka aiñ wa dang pynkhreh.
Hapoh kani ka aiñ daw chim pynlang yei pyrtuid yong waroh kiwa chondai madan nadooh ki jait mar wa dai ki, ki kot ki sla ki, thaw sah ki wei lada toh ki bru wa duna hei doh i pran wa kiwi kiwi de yow yoh ki yei tipmit kam kiwa chongdai madan.
Yow pynsakhait yeini daw hap pynbiang ki ya ki kot ki sla wa yoh na ki Dorbar Chnong, na ki Vender Association wa da tipmit da ka sorkar wa kiwi de.
Ki Town Vending Committee (TVC) won u pynskhiat ki ya ini wei daw pynmih ki yei pyrtuid kiwa ye u chongdai katkam ka aiñ deiwa e ya ka Certificate of Vending (CoV) ka wow krehkaam neibynta chi snem wei kawa hap pynthymme man-u-snem.
I heh i thaw wow chongdai ki toh u man i 1.8m x 1.2m wei lada toh kiwa dei pynyieñ yei thaw chongdai ymtoh u jrong i palat 3 meter na khyndaw. Ym chah wow pynemkaam palat ya ini i thaw wow pynlang ya kiwi de mar cha rood.
Hapoh kani ka aiñ ym chah leh wow chongdai cha ki thaw ki wym em da booh da ka sorkar næ wow chna da ki dukan wa pura wei ymtoh u pynthut yei lai i wan ki paidbah.
Kitu kiwa da pynemkaam da ki kari wow dai mar daw e ya ki yei thaw yong ki hi iwa daw pynbait da ka chnat Transport.
Ya waroh ki kyndon kani ka aiñ ye phi u puræ ha i Link wa da booh haneiñ.
Discussion about this post