U Symbood Montri Rangbah ka jylla wa pait leh ya ka chnat Kaam Pohyung (Pulit), u Prestone Tynsong da ong u wa ka aiñ ka kanun man ko kawa lai bait ha ka jylla, khamtam ha Tura hadien wa da mih i kulmar ha ka 24 tarik uni u bnai hakhmat ka yung krehkaam u Montri Rangbah ha Tura.
Da ong u wa neiliang ki pulit da kreh chitom ki wei da yoh kem ki boon ngut kiwa emkti ha itai wa jia, wei i thooh ya kiwi leh dang lai ko chakhmat.
Hawa klam ynne ka sngi, u Prestone da ong u wa ini i mih kulmar ym toh de du wow pynmynsoo ya u Montri Rangbah, tangwa kam ini iwa leh ki toh dei thmu wow pynsih wei pynmynsoo ya ki paidbah.
Hajrong i dawa wow em ka takit hajrong itai i jia, u Prestone da ong u wa ya katni, ki pulit da leh ki yeiwa emkaam wei da kem leh boon ngut ki bru wei da ong u leh wa ya katni u e laad ya ka aiñ wow leh yeiwa emkaam, wei pynrap u wa kamwa yoo katni kiwa chah kem boon toh kiwa embynta wa ki seiñ saiñpyrthai wei ini pynyoo ko wa i kulmar wa da seiñdur da i thmu Politics.
Da ong chooh chooh wa kani ka phang ymtoh de wow pynsñiaw na ka bynta ki Khasi-Jaiñtia næ Garo, tangwa da yoo wa la kamwa ka phang wa da chim da ki kattu katni ki seiñ saiñpyrthai wei ka takit dang lai ko hajrong ini.
Discussion about this post