Duna i chah ktah ka Ri-loom Jaiñtia na u slap ka la’ær

U slap waka la’ær wa joor deilang wa u phria wa wan hapoh ka jylla Meghalaya ynnin ka sngi da ktah joor i yaki District ka Khasi Hills kam ka East Khasi Hills, West Khasi Hills, Eastern West Khasi Hills, South West Khasi Hills neitæ ha South Garo Hills leh.

Kiwa boon dooh wa chah ktah toh ha Mairang Block, EWKH heiwa da em kamwa 413 ngut kiwa chnong chnong kiwa da chah ktah kiwa em ha ki 14 tylli ki chnong heiwa ki yung wa da chah pynsih da em ki 69 tylli wa kynthup ya ar tylli ki skur wei ki thaw rep wa chah ktah da em hadooh 50 Hectare.

Ka Nongstion Block leh toh kawa rap cha ktah joor heiwa da em 250 ngut kiwa chong chnong wa chah ktah wei ki yung wa da chah pynsih da em ki 52 tylli.

Ha Baghmara Block, SGH da em 282 tylli ki yung wa chah ktah nei haap phria, katwa ha Mawkyrwat Block, SWKH da em 26 tylli ki yung wa chah ktah na u phria.

Related posts

Pynbna u Conrad ya ki chnat wa da yabhah ha ki Montri sorkar

September 17, 2025

I chah pyndooh chuki u Comingone toh iwa sñiawsih khlem da pait ya ki kaam wa bha wa da leh u

September 17, 2025

Ha ki District ka West wa East Jaiñtia Hills duna bha i chah ktah hawa nujor wa kiwi ki District heiwa hapoh ka Wapung Block da chah khyndang i tnoom yungmane wei da em artylli ki yung wa chah ktah neitæ hapoh ka Saipung Block da em iwi i yung wa chah ktah.

Hapoh ka Amalrem Block da em iwi i yung wa chah ktah katwa hapoh ka Thadlaskein Block da em 4 tylli kiwa chah ktah.

Hapoh ka Namdong Block won da em iwi i yung wa chah khyndang iwa em ha Lapangap i yong u Wanbaitki Talang wei ym em wa mynsoo ha ini wa jia.

Neiliang ka sorkar da phah yarap ko da ki Tin sap yung cha ki chnong wa em boon ki yung wa chah ktah.