Ynne i miet ka 4 tarik hadien wa mih ka khubor wa chah kem ki ar ngut wa thmu wow tympdung ya ka Toll Plaza ha 7 Mer, Ialong, da sakhi yei duna i lai ki kari ha u sarokbah NH6 khamtam ki kari khian.
Yeini i duna ki kari khian wa lai lyngba u sarokbah toh na Soomer cha Phramer iwa man u sarok wa em pyrdi em kani ka Toll Plaza ha West Jaiñtia Hills.
Da sakhi leh yei em ki tyre lyngkhot harood wa hapyrdi u sarok lakam wow pynthut yei lai i wan ki bru.
Katkam wa man kattæ ym ye u ong neiyi i daw wa duna ki kari wa lai wa wan wot yei daw wa ieh ya ki tyre hapyrdi uni u sarokbah.
Hajrong ini daw booddien wa ki bor District katwa dang lai i por.
