Duna i tip u Lahkmen Rymbui chaphang ka tnat kawa man u kam u montri: Seiñ kiwa sikai Deficit

Shillong: Kiwa sikai skur Deficit ha ka jylla wa kynthup ka Khasi Jaintia Deficit School Teachers Association (KJDSTA) waka Garo Hills Deficit School Teachers and Employees Association (GHDSTEA) da phylla ki hajrong wym pu tip bha u montri ka tnat puræ puthi ka jylla, u Lahkmen Rymbui ya ka tnat wa ksoh u.

Ki wa sikai da booh ki boontylli ki phang wow yaklam wa u montri tangwa tang kawi ka phang dawa wa yatoh wow su tulop katkam ka 5^th Pay Commission ya kiwa sikai Deficit ym em poi ko cheiwon cheiwon neidaw wa u montri ym ye u kular iyi iyi leh.

Hawa yaklam wa kiwa pathai khubor hadien wa da wai ka yachem wa u montri, u President ka KJDSTA u ED Nongsiang da ong u wa i yaklam ym em mih soh i neidwaw wym ye u montri wow kular ya kiwa sikai Deficit wow su tulop katkam ka 5^th Pay Commission.

U Nongsiang da pyntip u wa i thmu kiwa sikai wow yaklam em ki boonjait kam wow pynkhlan ya ka Education Policy, ki kot puræ wa kiwi ki wym poi de u yaklam neidaw wa tang ya kani kawi ka phang leh u montri ym ye u sñiawthooh bha katwa pynche leh wei u montri hi ym pu em sñiawthooh u yei rukom man ka tnat puræ puthi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa u montri hawa khut u ya kiwa sikai toh u pynkhreh yei yong oo samen deiwa paan yutip na kiwa kreh hapoh yong oo tangwa u montri ym em leh u yeini iwa da wanrah yei wym poi cheiwon cheiwon i yaklam wei da chem wa u montri ym tip u iyi iyi leh ya ka tnat yong oo.

Chooh chooh da ong u wa neiliang kini ki seiñ daw chong pyrkhat ki myntu ka sngi wow yaklam wa kammon u leh yeini wym mih soh i yaklam wa u montri.

Da kyntait u leh wa ya katni hi ym pu em iwon iwon i thmu wow lai yachem wa u montri rangbah ka jylla neibhah daw haap chong yalang chwa ki. Da ong u leh wa lada ka sorkar ym ap ko yeiwa dawa, daw poi biang cha sarok kamwa leh ha ki por wa da dep.