Ka All Khasi Meghalaya Tourist Taxi Association (AKMTTA) ynne da sdang ko i yakhih wow pyndait lama rong yong hadooh ka 14 tarik uni u bnai kam ka dak wow pyrchah yei wan ki kari na baar jylla kiwa kit ya kiwa uiñke suwari.
Heiyatoh wa ini neiliang u Montri ka chnat Tourism, u Paul Lyngdoh da pyntip u wa da yachem ar sien wa ki seiñ wa kreh heiyatoh wa i uiñke suwari nadooh ki kari kamai, ki tre Hotel wa kiwi kiwi.
U Paul da ong u wa emkaam u man kiwa yatylli ha kawi ka rynsan deiwa pynrap wa 60% na kiwa yah kari ym embynta ki ha kawon kawon ka seiñ katwa ki 40% da em ki ha jar hiar ki seiñ kamtæ man iwa eh wow yaklam wa waroh kitæ ki seiñ heijooh i por.
Da ong u wa katkam wa man katni em i duna ki kari kiwa kit ya kiwa uiñke heiwa duna kamwa 3,000 tylli ki kari wow kit ya ki hapoh u pood ka jylla.
Da ong u leh wa man iwa emkaam ya kiwa kamai kari u pynbait ki wa kiwa na Assam neibhah katkam wa man hi boon na kiwa uiñke ha Meghalaya toh kiwa na Assam weiwa ki Airport, Railway Station wa ki thaw sumaar em ki ha Guwahati.
Da ban u leh wa ini i bynta man iwa kongsan bha wei emkaam u pyrkhat janai bha chwa wow tia chaphrang neibhah i bha i miat waroh arliang.
Ka AKMTTA da dawa ko wow khang ya waroh ki kari ki wymtoh na jylla wow lai ki palat ya ka Shillong wow lai cha ki thaw uiñke suwari.
Discussion about this post