Ynne ka sngi kawa man ka sngi wa da pynbait kyrpang ka Synjuk Waheh Chnong Jowai u ya mih paidbah wow pynkhooid yaka wah Myntdu kawa man ka wah wa pyndap umbaam umdih, wei pynbiang ko ya iwa boon i emkaam kiwa chong wa sah haka chnong Jowai wa kamjooh ha talawiar yong ka.
Neiliang kiwa yahkhmat ka synjuk hadien wa dep chimbynta hei pynkhooid yei jhep wa em harood ka wah Myntdu ha chirup deilang ki kattu katni kiwa chong chnong ka sor Jowai, booh ki i kyntu wa neini chakhmat hawa em i pynbait wa kam kani toh u yamih ryntih na waroh ki dong waphær waphær ka chnong Jowai neibhah kani ka wah pynmyntoi ko ya waroh lang haki rukom waphær waphær.
U President ka Synjuk, u Jlan K Rymbai pyntip u wa neiliang ka synjuk hachwa kani ka sngi da pyntip ko cha waroh ki waheh chnong ka Jowai hajrong kani ka thong najrong wa pyntip leh cha ka yung krehkaam u Deputy Commissioner, cha ka District Council wa cha ka Municipal tangwa ye u man naki daw wym tanar ym ye ki u emlang ha kani ka sngi.
Kamtæ yooluti u wa neini chakhmat ki paidbah leh u ya mih ryntih ki ha kiwon kiwon ki kaam yonglang khamtam heiyatoh waka wah Myntdu kawa pynbiang um ya ka chnong Jowai.
Chwa wow hiar lai pynkhooid, hei step da em ka yalang tbian wa da pynman ha Iawmusiang deiwa emlang ki waheh chnong waphær waphær ka Jowai, kamjooh leh u Dolloi ka Elaka Jowai, u Puramon Kynjing wa kiwi.
Discussion about this post