Ha iwi i jia wa yoo chyrkhei, u pyrsa da dung u ya u ma hi u du neidaw wa ya kajia yei kaam khayi kwai iwa da jia ynne i step ha Tura, West Garo Hills District.
Ki pulit ka Tura mar ya tip yeini heipor 11:30 i step wa em i yachoh hapyrdi ar ngut ki bru ha yaaw Tura da lai ki wut-wut cha katai ka thaw.
Hadien wa poi ha katai ka thaw, da chem wa u Minurul Islam (24 snem) da dung u ya u maa u uwa tip pyrtuid kam u Jaha Uddin hadooh wa yap u chwa wow poi cha ka thaw sumaar.
Da pyntip wa kini waroh ar ngut toh kiwa na Sukchar South Salmara, Assam wei da chong wai ki ha Risipara, Tura.
Ka khubor wa da yoh da ong ko leh wa chwa ini, da em i ya kajia wa joor hapyrdi kini hapoh ka yaaw dai kwai hadooh wa poi chei yachoh wei dung syndon u pyrsa ya u ma.
Neiliang ki pulit da pynman ki yei takit hajrong ini wa jia wei da khana ki wa da kem noh ki ya u Minurul Islam uwa da emkti ha ini wa jia.
Discussion about this post