Uwa chong chnong ka Jowai, u Khroo Lamsalanki Pariat da thoh u cha ka Expert Committee kawa da thung yow pait deiwi ya ka State Reservation Policy ka Meghalaya deiwa dawa wow booh bhah neibynta ki khon kitu kiwa kreh mylla sngi, kiwa kreh hapoh ki Scheme sorkar, ki warep wa kiwi de.
Da ong u wa kiwa kreh Contractual, kiwa kreh nong sngi kam ki Muster Roll ha kiwa boon ki chnat sorkar wa kamjooh ki karkhana sorkar deilang wa kiwa kreh hapoh ki Scheme kam ka SSA, kiwa sikai RMSA kamjooh kiwa kreh hapoh ka NHM, ASHA, Anganwadi, ki Helper, ki Cook hapoh ka PM Poshan, kiwa kreh cha ki yung ki sem, kiwa chongdai cha rood sarok, ki warep wa kiwi de kam kini toh kiwa boon bha hawa kheiñ na kiwa chong chnong ka Meghalaya wei kini toh kiwa man kiwa tlot hei bor poisa wei man ki leh kam ki jaitbru Khasi, Jaiñtia wa Garo kiwa chong wa sah hapoh ka jylla Meghalaya.
Kamtæ da ong wa kini emkaam ki 10% ka bhah hapoh ka Reservation Policy deiwa e bhah wow lai puræ puthi kamjooh ka yoh khih yoh jaam hapoh ka sorkar Meghalaya kamjooh leh ha ki karkhana ka sorkar. Wei kani ka bhah toh u man ko du ya kitu kiwa man kam kiwa chong chnong wa pura ka Meghalaya wei kiwa em ya ki bei ki pa kiwa yoh ym tam ya Rs. 5 lak chi snem.
I daw toh wa ki khon kini hanla man ki kiwa stat tangwa ym ye ki wow yoh kreh sorkar neidaw wym em poisa ki wow thied ya ki kot wa sy’at dor kamjooh wow lai yaleh Coaching næ wow lai puræ ha ki kyrdan wa heh.
Manda jia kamni wym wai ka laad, da kut ki hei lai kreh mylla kam ki bei ki pa ki khlem da ye wow lait nei chah kdoh hei dooh i duk wei kini man ki leh kiwa kreh chitom yow pyndap pynbiang yeiwa emkaam ki khon ki kti ki wei man ki leh kiwa yarap wow pynku ya ka jylla kamjooh ka ri.
Discussion about this post