Ha iwi i jia wa phylla, uwi u pulit ka Tripura State Rifles (TSR) da chah pynbaad wa e bih u ya i khon iwa dang chi snem neidaw wa yoh khon biang u da ka kynthai wei ini da jia i ha i miet ka 8 tarik ha Behalabari, Khowai ka jylla Tripura.
Ya kani ka khynnah da lai rah yow sumaar ha GB Hospital ha nongbah Agartala tangwa da khlaad noh ko.
Ka bei kani ka khynnah, ka Mitali Debbarma da ong ko wa u kurim ko, u Rathindra Debbarma na ka 10th Battalion TSR wei uwa kreh ha ADC Khumulwng Headquarter, da pyndur u wow lai thied biskit tangwa da e bih u ka ka khon u kawa tip kam ka Suhani Debbarma.
Ka Mitali da ong ko wa u Rathindra da kwah u dei khon chynrang wei ini da pynchrai i oo iwa. Ha katai ka sngi wa jia da lai ki cha ka yung ka payu ko heiwa uni u kruim da yah u ya ka khon u deilang u wa khon ka payu ko cha iwi i dukan yow lai thied baam wei hadien ini da sdang kani ka khon u wow prai wei wow pynhiar heiwa da sñiaw ki leh yei sma wa khor bha na ktien ko.
Da mih leh i awri ha GB Hospital hadien wa em wa yoo ya u Rathindra kiwa da thmu wow dat oo tangwa ki pulit wa em heini da khang ki yeini wei da kit ki oo cha Police Station.
Neiliang ki pulit da kem ki ya u Rathindra Debbarma wei ka yung kasari da phah ko wow kset ya oo le sngi.
Discussion about this post