E bor ka sorkar wow kit ya u mooyong wa wan na Nagaland yow lai cha Bangladesh lyngba ka Meghalaya

Ka sorkar Meghalaya lyngba ka chnat Mining & Geology da mynjur ko wow chah u chalan ya u mooyong wa wan na baar jylla yow lai lyngba u na Meghalaya yow lai pynhaap cha Bangladesh.

Ya uni u mooyong wa da e bor toh uwa khia 4,50,000 MT uwa mih na Nagaland yoh lai cha Bangladesh lyngba ka Gasupara Land Custom Station kawa em ha, South Garo Hills District.

Uni u mooyong toh uwa daw wanrah da u Katman T. Sangma uwa na South Garo Hills hi, deiwa pynhun ya ka kyndon 4(9) ka Meghalaya Mineral (Prevention of Illegal Mining, Transportation and Storage) Rules, 2022.

Yow leh yeini hap wow pynbiang ya ki e-Way Bills, Coal Challan wei wow pynsakhiat wa da dep su ya waroh yow wanrah na Nagaland wei toh u soi won (Countersigned) da u Officer-in-Charge haka DMR Checkgate wa em ha Dainadubi/Athiabari hadien wa pait wa sylli yei mar wa kit.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ya kini ki kot ki sla daw hap wow pynoo sa ha u Officer-in-Charge ka DMR Checkgate wa em ha Gasupara yow pyntikna waroh i jait toh iwa biang.

U tre mooyong hap u wow pyntip cha ka DMR man-ka-tayaaw katwon u mooyong wa da dep u Challan wa katwon wa dang sah.

Lada ya uni u mooyong daw hap wow booh oo hapoh Meghalaya, ymtoh u neh u palat 3 bnai deiwa bood yaka kyndon katkam ka Rule 10 ka “The Meghalaya Mineral (Prevention of Illegal Mining, Transportation and Storage) Rules, 2022.

Hap leh wow pyntip bniah ya ki kari wa kit ya u mar neiwon psiah wei neiwon mih ki.

Yeini waroh daw pait daw pynlai da ka DC ka South Garo Hills uwa daw phah ya ki Executive Magistrate.

Ki Truck wa kit ya uni u mooyong toh u man ki kiwa da tymmoh da ka Tarpaulin wei ymtoh u kit ki palat ya u pood wa chah.

Ki luti wa toh u pynemkaam yow wanrah ya uni u mooyong wa wan na Nagaland yow lai cha Bangladesh lynbga ka Gasuapara LCS toh na:

1. Dainadunbi-Nongalbibra-Baghmara-Gasuapara LCS
2. Athiabari-Shallang-Nongalbibra-Bagmara-Gasuapara LCS

I por wa chah u lai ki Truck toh nadooh 6:00 waje i miet hadooh 1:00 waje i step ha u sarok NH62/217 wa kamjooh ki sarok ka jylla tangwa ym chah wow leh yeini ha ka sngi Bibar.

Lada leh pyrchah ya ki kyndon daw chah pyndam i e bor ka sorkar.

Yeini u chah u pyndep nadooh ka 08-02-24 hadooh ka 15-09-24.