U Chief Minister ka Assam, u Himanta Biswa Sarma da pynmih u da ka hukum ya ki pulit wow siat naphang hadien wa em ki bru wa da pyrchang wow wanrah yei sñiaw yaphær niam ha ka thaaiñ Dhubri ka Assam heiwa da em leh kiwa da lai wow booh dei khlieh masi ha kawi ka Temple ki Hindu.
U Himanta da pynmih u ya kani ka hukum ynne heipor wa lai u cha Dhubri hadien wa em wa ieh dei khlieh masi ha ka Hanuman Mandir heipor wa em ka Bakri Id ki Muslim.
Da ong u leh wym e laad ya kini kiwa wan wow leh pynsih ya ki Temple næ kiwon kiwon ki thaw wa man kyntang neibhah da em hadooh kiwa da kawang dei doh masi cha ki Temple i wym toh u leh kamni wei ym e laad ya ki wei kitu kiwa emkti daw pynchitom ki.
Da pyntip u leh wa da em ka Beef Mafia ha Dhubri kiwa da wanrah da ki hajar tylli ki masi chwa ka Eid. Chooh chooh da ong u wa lada emkaam daw wan yang u da oo ya kani ka Temple heipor wa em ka Eid.
Discussion about this post