U SDO ka Amlarem Sub-Division da pynmih hukum u yow e bor ya ka Sarbamangala Kali Mandir Puja Committee 2021, Dawki wow lehniam Durga Puja nadooh ka 11 tarik uni u bnai hadooh ka 15 tarik uni u bnai, ka Laxmi Puja ha ka 20 tarik uni u bnai wa ka Kali Puja ha ka 4 Khongchonglad (Nov) uni u snem ha Sarbamangala Kali Mandir, Dawki.
Ini waroh toh u leh katkam ki kyndon wa da dep pynmih ka sorkar jylla heiyatoh wow pynman Puja.
Hap bood leh ya ka hukum ka Supreme Court ka ri kawa da khang leh wow pynemkaam ya ki tanghæng palat ya ka 10 waje i miet.
Da khang leh wow thang ya kiwon kiwon ki jait bomkala ha ki thaw paidbah kamjooh ha ki luti syngkieñ.
Da khang leh wow dai kiad lane kiwon kiwon ki jait pynmuaid ha ki thaw lane hajan ki thaw wa pynman Puja.
Ki Executive Magistrate wa Sub-Divisional Police Officer, Amlarem toh u pait ki ya waroh i rukom pynbiat yow bood ya ki kyndon namo ki Standard Operating System ka jylla kamjooh kiwa booh da ka Health & Family Welfare waka Ministry of Home Affairs ka sorkar India.
Puræ leh: Pynbna ka sorkar ya ki kyndon lehkmen Puja ha Meghalaya
