E buit ka JSU ya ka sorkar heiyatoh wa ki laad wow yakhun pyrchah ya ka khlam u COVID-19

Jowai: Ka Jaiñtia Students’ Union ynnin ka sngi da e dorkhat ko cha u montri rangbah ka jylla, u Conrad K Sangma neibynta wow pynkhlan ya ki kyndon wow yaleh pyrchah ya ka khlam u COVID-19.

Neiliang ka seiñ pdiang ko yei khang chnong kamjooh ki kaam wa da leh ka sorkar ha kiwa boon ki chnat krehkaam yong ka deiwa kdaw leh wa ki thaw sumaar toh u pynbiang ki yei emkaam ki wakreh kam ki Doctor, ki Nurse, ki Staff, ki Lab Technician, kiwa pynkhooid wa kiwi kiwi.

Da kyntu ko leh ya ka sorkar wow pynbiang smat ya ki tiar wa emkaam neibynta u sylli (Screen) kam ki Thermal Scanners, wa kiwi ki tiar wa emkaam ha ki PHC, ki CHC wa haki Corona Centers khamtam ha ki thaw psiah wa yabi u pood wa ka jylla Assam.

Ka JSU da ong ko leh waka sorkar toh u pynbiang o ya ki sula wa ki tiar yada namo ki PPE neibynta ki pulit wa kiwa sumaar bru ha ki thaw sumaar waphær waphær.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heiyatoh wa ki chakri kiwa ymhoi u sangeh namo ki Essential Services neiliang ka seiñ da ong ko wa emkaam ki wow sap ya ki PPE namo ki Personal Protection Equipment wei wow siat dawai ya ki kari yong ki lada wan ki na baar jylla.

Ka seiñ lyngba u President Lawyerson War da ban joor ko leh wa i saam wei wow pynbiang ya ki mar baam wa kiwi tawon ki mar wa emkaam toh u pynpoi cha waroh kiwa emkaam ya ki.

Heiyatoh wa i pynkrehkaam ya ka Social Distancing hapyrdi kiwa dai wa kiwa thied emkaam wow pynkrehkaam bait da ka Home Delivery Service khnang wow lait nei yalang chithaw don.

K seiñ da ong ko leh wa ka man ko kawa da pynkhreh wow kreh chirrup wa ki chnat ka sorkar wow yakhun pyrchah ya kani ka khlam u COVID-19 la heiwon iwon i dur.