E chithi u Mayralborn ha u Montri ka sorkar pyrdi yow pynlait smat ya ka poisa neibynta u sarok Nongpoh-Umden

U MLA ka Nongpoh, u Mayralborn Syiem da e u dei thoh cha u Montri ka sorkar pyrdi uwa pait ya ka DoNER, u Jyotiraditya M Scindia uwa da wan cha Shillong ynne ka sngi yow dawa wow pynlait smat ya ka posia kawa Rs. 52.98 klur yow pynchna ya u sarok Nongpoh-Umden.

Uni u sarok wa jrong kamwa 20 Km da jhan bha kattæ u pynchna oo neibynta i bha i miat ki paidbah kani ka thaaiñ heiwa ini wa dep da em ka yakhih chah thngan yow daw pynchna noh ya uni u sarok.

Neiliang u Mayralborn da khana u wa u Montri da kular u wow pynlait ya kani ka poisa wei wow booh hakhmat neibynta uni u sarok.

U MLA da pynsñiaw u yei sñiawngooh ya u Montri Rangbah ka jylla, u Conrad K Sangma yei chimkhia u yeini i kaam wow pynmankaam yeini wa angnood ki paidbah ka Nongpoh Constituency.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh u Mayralborn da khana u wa da em leh i mang yow pyndep yei kreh neibynta u sarok wa jrong 39 Km nadooh na Umden cha Marmaiñ hadooh Sonapur kawa daw wan ha ka Second Phase.

Da pyntip u leh wa dadep pynbiang ya waroh ki kot ki sla wa emkaam kiwa dadep e cha ka Ministry of Rural Development ha Delhi, wei da yooluti u poi ka poisa hapoh ka PMGSY Scheme Phase-III.