Ka Bharatiya Janata Party, ha i yahkhmat u Kyrmen Siangshai President, u Damehi Lyngdoh, General Secretary, u Khroo L Pariat wa kiwi kiwi ki dkhot ka 2-Jowai Mandal, da yohlaad ko u ya chimbynta wa ki Pastor, u Phadar wa kiwa yahkhmat Balang Christan ha Jowai wa Ïalong wow ya pynem warom ya ka sngi wa kyntang u Jisu Christ wa ka niam Christan.
Kam chibynta i ya chimbynta ka BJP ha kani ka Christmas, ka seiñ da e ko da u Christmas Cake heiwa neiliang yong ki Pastor, u Phadar da pynman ki yei duwai neibynta kiwa chong chnong ka Jowai, ka jylla wa ka ri India, khamtam ya u Narendra Modi, Prime Minister ka ri India yow nang yoh u ya i chait i nang, wa ka synchaar ka khadar kawa tipbru tip Blai, u dap u biang wa u chngaaiñ i im yong waroh ki tre ri tre muluk ka ri.
Neiliang ka BJP da e ko ya ki kyntien Christmas wa ong, “Kani ka Christmas u pynkynmoo ko ya i ki bru ya i pyrkhat i sneiñ wa kyntang yong u Jisu Christ yow saam ya iwa bha cha kiwi. U klam ya iwa sakhiat. U pyn ka’it ko na mynsien ya i ki bru hawa kynmoo ya i pyrkhat, i sneiñ wa kyntang yong u Jisu Christ. E bor u yow chakri dei mynsien wa khooid, yow saam ya iwa bha cha kiwi, e kti u dei mynsien yow rah u rong u ya i pap yong ki bru. I sneiñ i yong u Jisu Christ e mynsien ko ya kiwa boon bah heini ha pyrthai.”
