Ynne ka sngi ka seiñ wa kreh monsñiawbha kawa tip kam ka EPHPHATHA Society kawa man ka seiñ neibynta ki bru wa kyrpang wa em ha East Jaiñtia Hills District kawa em ya ka yung krehkaam ha Moowakhu Dkhiah West, da e dawai mynkna ko cha ki bru wa da chna kyrpang u Blai hei yakrehlang wa ka SAN-KER Rehabilitation Centre Shillong.
Ha kani ka sngi wa e dawai mynkna da emlang u Dr. Sandy Syiem uwa man u Director ka SAN-KER, ka Dr. D. Khonglah wa ki Nurse ka SAN-KER.
Neiliang kiwa wan chim dawai da yaroh ki ya ka Ephphatha Society kawa da wyryai ya ki deiwa wanrah kam kani ka e sumaar mynkna.
Chwa i e dawai da em ka yalang wa tbian wa da pynlai da u H.U.B Bang uwa man leh u Vice President Ephphatha Society, wei da yoh i klam na u President ka Society.
Neiliang u Dr. Syiem hawa e yei klam da kyntu u ya kiwa chong chnong wa toh u yarap u kyrchaan ki iwi ya iwi khamtam ya ki bru wa kyrpang kiwa em i chah ktah hei bor pyrkhat pyrdaiñ khnang wow yoh i ya ka imlang sahlang kawa kdup lang salonsar ya waroh i jooh.
Hadien wa da dep i klam u Dr. Syiem da yoh i kyntien ngoohblai wei da em i phyllu yumut hajrong ka phang “To encourage and strengthen individual in their mental capacity” heiwa da chimbynbta da kiwa boon walang kamjooh leh na ki sahep sorkar na ki chnat waphær waphær.
