Jowai: Ka 19th BN BSF ha kani ka 29 tarik da pynman ko ya ka Free Medical Camp ha ka chnong Ratacherra ya ki paidbah kani ka thaiñ heiwa 646 ngut ki bru wa kynthup ya 295 ki khynnah 178 ngut ki chynrang wa da heh wa 173 ngut ki kynthai da yoh myntoi ki.
Ya kani kani ka e sumaar e dawai mynkna da leh hapoh i yahkhmat u Vinay Kumar, Commandant ka 19th BN BSF wei da pynbiang yeiwa emkaam da u Sandeep Singh, Assistant Commandant Coy Commander BOP Ratacherra katwa yei sumaar sukher da wan u Dr. Pavel Hazra, AC/MO wa u Dr. HL Kome, GD/MO.
Neiliang u waheh chnong u Khamsngurbha Pohing da pynsñiaw u yei sñiawngooh ya ka BSF wa da pynman ki ya kani ka Medical Camp kawa yarap chiboon ya ki paidbah.
Ha kani ka sngi da saam leh ya ki kot lakdop wa kammon u yarap ya kiwa chah pooh pseiñ, i yada na ka kjut Malaria wa kiwi kiwi.
Discussion about this post