Ka Environment Co-ordination Committee (ECC) kawa kynthup ya kiwa chong chnong ka Elaka Sutnga, da pynsñiaw ko yei sñiawngooh ya ka Assembly Committee on Environment kawa hei yahkhmat yong u S.K. Sunn, MLA ka Mawphlang uwa man leh u Chairman yong kani ka Committee deilang wa ki MLA wa man kam ki dkhot wa kynthup ya u H.M. Shangpliang, u Kimfa Marbaniang, u George Lyngdoh wa ka Miani D. Shira deiwa emlang ki sahep ka Meghalaya State Pollution Control Board wa ki bor yong ka District wa kynthup ya u DC, SP, ADC wa ADM da lai pait ki da i khmat yong ki yei chna ya ki Coke Factory.
Ha ini i lai pait wa da leh ynne ka sngi da chem wa boon ki Coke Factory ym pu ye ki wow bood ryntih katkam ki kyndon.
Neiliang ka ECC da e ko da ka dorkhat cha ka Assembly Committee on Environment, khnang wow yoh ko u yoh u puræ heiyatoh wa da ujor ka Committee.
Ka ECC da kyrpaad joor ko ya ka Assembly Committee on Environment wow chimkhia ya ini i kaam.
Ini toh katkam wa pyntip naka Environment Co-ordination Committee Elaka Sutnga.
