Ka Jaiñtia National Council (JNC) Khliehriat Circle da lai e dorkhat ko ha u District Medical & Health Officer ka East Jaiñtia Hills District hajrong ka phang wym em krehkaam ka Operating Theatre deilang ka Clinical Laboratory cum Blood Transfusion Services hapoh ka Khliehriat Civil Hospital.
Ka seiñ da ong ko wa da yoh chiboon ki ujor na ki paidbah neidaw wym hoi kini ki bynta kani ka thaw sumaar wa emkaam wow e chakri wa pura cha ki paidbah ka District.
Da ong wa lada ka thaw pooid toh ka wym krehkaam kammon wow jia manda emkaam jhan wow sumaar ya ki bru iwa da pynbor wow kit ya kiwa kjut wa chitom cha jngai wei man ko leh i maa manda pynslem u yoh yei sumaar.
Heiyatoh won wa ka Clinical Laboratory cum Blood Tansfusion Service da ong wa kani leh toh kawa sñiawkhia neibhah i e snaam cha kiwa emkaam snaam toh iwa emkaam bha wei sa katwon khia yukit ya kiwa chitom kamjooh kiwa ha-yung ha-sem lada wym em leh ka Blood Bank yow yarap u pynim ya kiwa da em ha kyndian i mynsien.
Kamtæ da kyrpaad ya u DMHO wow chimkhia yeini neibynta i bha i miat kiwa chong chnong wei ya kani ka dorkhat da phah leh cha u MLA ka thaaiñ u Kyrmen Shylla.
Discussion about this post