Jowai: Ka seiñ JSM-Eastern Region ynne ka sngi da lai e dorkhat ko cha waroh ki Bank kiwa em hapoh ka chnong Khliehriat kawa man leh ka District Headquarter ka EJHD wa kynthup ya ka SBI, CANARA, HDFC, AXIS, ICICI, UBI, waka SBI Ladrymbai Branch yow pyntikna wa waroh ki kor ATM yong ki toh kiwa krehkaam kiwa ye u chakri ya ki paidbah.
Haka dorkhat da ong wa ki ATM em ki du ka poisa T. 2000 iwa da wanrah i chitom ya ki paidbah neidaw manda thied tiar ym yoh poisa biah kiwa dai kamtæ ki ATM toh u em ki ya ka poisa T. 100, T.200 wa T. 500.
Ka seiñ da ong ko leh wa ki ATM wa krehkaam duna bha ki hapoh ka District lada wyrchaw yei boon bru wei kiwa boon toh kiwa ym em poisa wa kiwa da sih wei ki Bank toh u em ki i kitkhlieh wow pyntikna wa ki ATM toh kiwa em poisa khamtam ka ATM ka SBI kawa da sih la ar snem.
Chooh da ong wa ki yaw ki haat toh kiwa wai dang step tangwa ki ATM won toh kiwa slem u wai, kamtæ toh u wai noh ya ki nadooh 7 waje i step yow suk kiwa beh yaw.
Discussion about this post