Jowai: Ka Jaiñtia Students Union, Seiñ Bei ynnin ka sngi da lai yachem kyrpang ko ya u CEM ka JHADC, u Madonbai Rymbai hapoh i yahkhmat u President yong ka u Lawyerson War wa u General Secreatary u Jersom Shylla heiyatoh wa ka Iawmusiang heiwa da ekti ya ka dorkhat wow kyntu ya ka Council wow chimkhia ya kani ka yaaw wa em ha chnong Jowai.
Ha ini i yachem neiliang u CEM da pyntip u wa ka District Council leh da chimkhia ko yeini wei da lai ood ki dei langær cha ka sorkar jylla heiwa u montri ka tnat PWD (Building) da chimkhia u wow yoh ya ka song poisa wow pyndep noh wow chna ya kani ka yaaw.
Ka seiñ da e yumut ko ya u CEM wa ka Council toh wow pynkup bor chooh chooh ko ya ki Waheh Chnong wow ye ki u paitsiar yei wan buhai chnong ki baar jylla hapoh ki chnong yong ki.
Heijooh i por da kyntu ya ka council wow chimkhia khamtam yei wan chim kabu ki baar jylla wow seiñ khih deiwa pynemkaam ya ki tre jylla wei da dawa na ka Council wow pynchitom ya kam kini ki bru wei wow pynkhor ya ka Benami Transaction ha waroh ka ri-loom Jaiñtia.
Neiliang u CEM da kular u wow chong yaklam hajrong kani ka kaam wa ka EC yong oo.
Discussion about this post