Ka seiñ Khasi Jaiñtia National Union (KJNU), hapoh i yahkhmat u Niman Shadap wa u Chemi Phawa da lai ki wow yachem yow e dorkhat ha u Chief Executive Member (CEM) yong ka JHADC u Thombor Shiwat yow dawa wa ka District Council ym toh wow e Trading License la kammon kammon leh ya ka karkhana pynmih khyndaw-bilat ka Star Cement wow pynlai ya ki kari kit mar næ ki Truck yong ka.
Neiliang kiwa yahkhmat yong ka seiñ da ban joor ki ya ka Council wa ym toh wow e License cha ki baar jylla, neibhah lada ka Council ka e Trading License ko ya ki, ki paradoh parasnam yong ngi won cheiwon u lai ki neibhah ini ktah ko yei kamai kajih yong ki tre ri tre muluk kiwa mantre ya i khyndaw u chyiap katkam ka 6th Schedule kawa pynkup bor hapoh ka jylla yong i.
Ka seiñ da ong ko wa katkam ka Paragraph 10 da kdaw che wa ym ye wow khih u kreh khlem da e Trading License ka JHADC cha ki Non-Tribal.
Neiliang ka seiñ da maham joor ko ya kitu ki bru kiwa thmu wow chim kabu lane kiwa leh Benamy hei wow pynlai ya ki Truck yong katai ka karkhana, neibhah ini ktah ko wot ya ka muna tyngka yong ka Council.
Neiliang ka seng da la ong ko leh wa ym chong kli kti tangwa daw booddien ya ini i kaam, khnang wow myntoi u man ko ya ki tre jylla.
