Kawi ka manbei ynne da lai e FIR ko pyrchah ya uwi u dkhar uwa man kam u Bengali uwa dai dakha hadien wa khujai, ngiat wei da toh ko leh hei yimbu ko ha ini wa jia.
Ini toh iwa da jia ha ka 25 tarik uni u bnai heiwa kani ka manbei kawa man leh kam kawa dai dakha ha Phramer, nyngkong da mut ko wow lai thied dakha na iwi i dukan wa em hajan ka Jowai Police Station tangwa neidaw wym em ka jait dakha wa kwah ko, uwa dai dakha da ong u wow lai cha i dukan wa em hajan ka Merusa Building ha Iawmusiang.
Manda poi ko ha ini i dukan, uni u Bengali da ong u wa i dor dakha toh Rs. 150 chi pawa tangwa ka won da ong ko wa kwah ko u thied 5-6 Kilo wei heini i por da ong u wym dai u cha ka neidaw ka toh kawa dooh wei kawa tooh, heiwa heini da ong ko e da i Number u malik yow paan ko na oo tangwa da chrai pathan u ka deiwa ong wa da jooh e dakha u cha Phramer wa cha Ladrymbai tangwa ym jooh yoh poisa.
Kamtæ da ngiat da taræ u ka yow beh ka wei lada ym yut ko da dat u ka, da ong kani ka manbei.
Hajrong ini ynne ki dkhot ka seiñ KSU Jowai Circle chirup wa ki dkhot KSU West Jaiñtia Hills District da lai li klam lai sneiñ ki ya uni u dkhar.
Tangwa manda yoo wa i yaklam ym poi ko cheiwon cheiwon, heipor janmiet won hadien wa dadep ya chong pyrkhat ki ha yung krehkaam ka seiñ da rai wow lai ujor da ka FIR pyrchah ya uni u bru.
U Iounis Suchiang, President ka KSU Jowai Circle hawa klam kyntu u ya ki bor ka aiñ wow kem ya uni u bru khnang wa kam kini ki bru wa wan kamai spah cha ka thaw yong i wym nood ki u leh heh dei wow klam khlem akor wei jrong kti.
Discussion about this post