E FIR ki Karbi ya ka Banikas Laban kawa yaleh Election MDC ka JHADC

Ka Banikas Laban kawa chong wa sah ha chnong Mowlber kawa man leh ka kyrtong MDC ka Congress cha JHADC ha uni u snem na ka Barato Mukroh Constituency, ynne ka sngi chirup i synraan lang ka seiñ HBDRF da lai pyntip ko cha u DC ka West Jaiñtia Hills District hajrong i yoh khubor ko na u OC ka Jrikyndeng Police Station, West Karbi Anglong District, Assam wa da em wa e FIR pyrchah ya ka hajrong i mih yakhun Election ko.

Hei yaklam wa ka ynne ka sngi, da khana ko wa datip ko yeini manda Phone u OC ka Jrikyndeng Police Station uwa da pyntip wa em wa e FIR pyrchah ya ka. Tangwa manda mut kylli ko ya ka tarik wei kiyi wa e ya kani ka FIR, ym em de yoh Phone ko oo.

Da suba ko leh wa i e FIR ye u man neidaw wa ki jaitbru Karbi kam ki wa ka chnong Mowlber haap ko cha Assam katwa ka won kawa man ka tre chnong yakhun Election MDC ko cha JHADC ka Meghalaya.

Tangwa pynche ko wa katkam i sakhiat hi ka chnong Mowlber toh kaaw dang haap hapoh West Jaiñtia Hills District, Meghalaya neibhah wa kiwa chong chnong em ki ya ki kot ki sla wow pynsakhiat wei wot ya u waheh chnong leh toh uwa da tipmit da ka JHADC nadooh nachwa.

Related posts

Ym yoh jubab ka WJSU ya ka RTI wa da kylli chaphang i pynchna ya ka madan ha Amlarem

June 2, 2025

Sdang ka bynta wa ar ka Nasha Mukt wow yakhun pyndooh jait yei pynemkaam drugs

June 2, 2025

Kamtæ heini i lai pyntip yong ka cha u DC da kyrpaad haroh ko wow chimkhia yaklam u wa ki bor ka Assam wei wow pyndam leh ya katæ ka FIR khnang yow lait iwon iwon i maa ya ka kam kawa chong wa sah ha chnong Mowlber.

Neiliang u Chairman ka HBDRF, u Chandame Sungoh leh da pynrap u wa lada ya ka FIR ym pyndam hapoh 5 sngi, ka seiñ daw chim ko da kiwi ki luti neibhah wa tip che ki wa ka chnong Mowlber haap ko hapoh u pood ka West Jaiñtia Hills wei ka Banikas Laban leh em ko ki kot ki sla wow pynsakhiat wa ye ko u chimbynta yakhun Election.