U Elon Musk da pyntip u wa ka Company yong oo ka SpaceX da e ko ya ka Internet lyngba ka Starlink kawa man ka Satellite Broadband Internet neibynta ka ri Ukraine hadien wa u heh ka sorkar da paan yarap u na u Elon Musk hadien wa chah hiar thma ko.
U Elon Musk da smat u wow yarap deiwa khana wa ka Starlink da phah ko ya ka Satellite wow em ha ka ri Ukraine wei daw phah chooh sa kiwi.
Ini da leh u Elon Musk du hadien 10 kynta wa u Montri ka sorkar Ukraine, u Mykhailo Fedorov da paan yarap u na u Musk wow e Internet lynga ka Starlink yong oo.
Ka Internet ha Ukraine da sdang bha ko u thut nadooh wa chah hiar tham ka Russia.
Ka Starlink toh kawa da em kamwa 1,700 tylli ki Satellite ha ka haw haw wei i thmu toh wow booh kamwa 2000 tylli yow ye u pynbiang Satellite Internet ha kylleiñ ka pyrthai wei katni da sdang pynkrehkaam ya ki ha ki 29 tylli ki ri.
Du ha ka 25 tarik, ka SpaceX da pynhær ko ya 50 tylli ki Starlink Satellite ha chi sngi.
