Ka NEIGRIHMS kam chibynta i lehkmen ya u moomær wa da tam 100 klur sien i e tika yada COVID-19 hapoh ka ri India iwa da pynman leh ya ka ri kam kawa smat dooh wow ye u leh yeini hei por wa tbian dooh wei ini da man ko leh kam i sarong ya uwi pa uwi wa chong chnong ka ri deiwa kreh chitom ki chipai namo ki Covid Warrior yow ye u poi cha kani ka thong.
Neiliang ka NEIGRIHMS deiwa ya krehlang waka Bank of Baroda deilang waka Rotary Club of Shillong, da lehkmen ki ya uni u moomær ha pchem kani ka thaw sumaar deiwa em u Prof. (Dr.) Nalin Mehta, Director NEIGRIHMS kam u kongsan, deilang wa u Network DGM Kolkata Zone, u Sonam Tshering Bhutia waka Ailen Diengdoh, Regional Head Guwahati ka Bank of Baroda, ki dkhot ka Rotary Club of Shillong wa kiwi de kiwa da emkti lang ha ini i kaam nadooh ki Doctor, Nurse wa ki wakreh ka NEIGRIHMS.
Ka Bank of Baroda, kam chibynta ka CSR yong ka wow su kylliang cha ka imlang sahlang da e sñiawbha ko da ka Basic Life Support Ambulance cha u Director kani ka thaw sumaar kam i dak wow leh burom wa poi cha ka thong e tika 100 klur sien heiwa ka Rotary Club of Shillong da pynbiang ko da i baam i dih ya kiwa emlang ha kani ka yalang.
