Ka Indian Army, Directorate of Indian Army Veterans chirup wa ka Hero Motocorp da kyrchaan ki dei langær ya ki chipai kiwa da chongngiah kamjooh kiwa dang kreh.
Ynne ka sngi da e kti ya ka Scooter wa chna kyrpang (Custom-made Retro-fitted Scooter) cha uwi u chipai wa em i duna ha i doh i pran (Physically Disabled Soldier) ha Shillong, Meghalaya.
U Lt Gen KC Panchanathan, AVSM, GOC 101 Area, da e u ya kani ka Scooter cha u Havildar Harka Bahadur Gurung na ka 58 Gorkha Training Centre, Shillong uwa da dooh ya ka kti timun hadien wa pdung u bomb Hand Grenade.
Kani ka Scooter daw yarap ko ya uni u chipai hei lai i wan man ka sngi.
Ka Indian Army da e ko yei burom ya i mynsien wa chlur uni u chipai wei da kular ko leh wow yarap ya oo ha ki por wow wan.
