Ka Montri ka chnat Aiñ, ka Dr. M. Ampareen Lyngdoh ynne hapoh ka yung dorbar chna aiñ da jubab ko wa ka sorkar da su ko Rs. 50,000 chi bnai cha ki Chief Justice wa da chong-ngiah wa Rs. 40,000 cha ki Judge wa da chong-ngiah wei da pynbiang leh ya ki wa ki bru wa kreh ha ki thaw sah ki.
Chooh chooh da pyntip leh wa da su yaka bai sumaar du neibynta kiwa dang man kam ki Judge katkam ka Meghalaya Medical Attendance Rules, 2021 lada chah sumaar ki ha ki thaw sumaar wa man kam ki Empanelled Hospital.
Da pynche leh wa lada em ki Judge wa wan kreh hapoh ka jylla du 3 bnai chwa wow chong-ngiah ki, ki leh yoh ki i jooh hi i myntoi wei yeini da leh ym du hapoh Meghalaya tangwa cha kiwi ki jylla leh kamjooh.
Hawa kylli chooh chooh na ka Montri lada ki Judge hadien wa chong-ngiah ki pteiñ ki wow man kam ki VVIP neibhah hawa lai cha Meghalaya House da em bait ki kamra wa da booh kyrpang ya ki Judge, neiliang ka Ampareen da ong ko wa hap wow leh yeini neibhah da em ka aiñ ka sorkar pyrdi wot hadooh ki hukum wa da pynmih da ka Supreme Court.
Discussion about this post