E Khublei Behdieñkhlam 2018 Seiñ Raij Tuber ka Seiñ Kyntu Seiñ Raij 12 Daloi

by Wyrta Staff

July 16, 2018

Reading Time: 2 mins read

Jowai: Ka Seiñ Kyntu Seiñ Raij 12 Daloi da e Khublei Behdieñkhlam ko ya ka Seiñ Raij Tuber wa kamjooh leh ya ki dong ki chnong kiwa hap hapoh i pynlai ka Seiñ Raij Tuber, kiwa chong wa sah ha West Jaiñtia Hills wa East Jaiñtia Hills District hi waroh.

Ka Seiñ da kitbok kitrwiang ko ya waroh ki khon ki hajar yong ka Seiñ Raij Tuber yow yoh ki ya i doh i pran wa chait wa khiah kamjooh leh lyngba ka leh niam Behdieñkhlam ka wow beh ya ka khlam ka chitom, wei e wa lyngba kani ka chaad lehniam Behdieñkhlam wow wanrah ya ka chongsuk chongsaiñ ha ka imlang ka sahlang.

Ka Seiñ Kyntu Seiñ Raij 12 Daloi leh u booh ko ya ka ngooh ka dem wa ha kine ki soo sngi le yew wa u Blai Tre Kynrad u theh u ya ka kyrkhu kyrdoh ya uwi pa uwi wei kamjooh leh ya ka yung ka sem ka chnong ka thaw wa kamjooh leh ya ka Seiñ Raij Tuber.

Kan toh katkam i pyllait khubor u S. Sari, Publicity Secretary Seiñ Kyntu Seiñ Raij 12 Daloi.