Ka HYC-Jaiñtia Hills District Unit, lyngba ka kyrwoh na u Organising Secretary u Phaitki Suna da e khublei Behdieñkhlam wasuk wakmen ya ka Seiñ Raij Tuber wa cha waroh ki khon riot kiwa chong wa sah ha kylleiñ ki thaw yong ka Bri u Ynñiawtrep, e wa kani ka lehniam Behdieñkhlam u man ko kawa phooh wa phieñ wa kawa jop.
Ka seiñ da kyrmen ko wa lyngba ini i lehniam wa chisien chi snem daw beh ko ya i kjut i sam napoh i yung napoh i sem yong ki khon ki riot ka Bri u Ynñiawtrep, u beh ko chisiendon ya kani ka kjut khlam COVID-19 na kani ka ri .
ka seiñ HYC hi waroh kawi ka kitbok kitrwiang ko cha waroh lang ki khon ki riot yong ka Seiñ Raij Tuber, wa lyngba ini i lehkmen, lehburom ya kani ka Behdieñkhlam wa daw yoh chiboon i kyrkhu kyrdoh na u Trekirot Kynrad khnang wow yoh yei chait i khiah, i manbha manmiat ha i khih i khan, ka puræ puthi, ka chongsuk chongsaaiñ ha ka chnong ka thaw wa haka imlang sahlang waroh kawi.
