Ka Jaiñtia Students’ Movement (JSM)-Eastern Region lyngba ka kyrwoh na u President, u Wellson R.D. Siangshai da e khublei Behdieñkhlam 2023 wasuk wakmen ya ka Seiñ Raij Tuber wa cha waroh kiwa chong wa sah ha kylleiñ ki thaw yong ka Bri u Ynñiawtrep Ynñiawskum, deiwa ong wa e wa kani ka lehniam Behdieñkhlam u man ko kawa phooh wa phieñ wa kawa jop.
Ka seiñ JSM hi waroh kawi kitbok kitrwiang ko cha waroh lang ki khon ki hajar yong ka Seiñ Raij Tuber, wa lyngba ini i lehkmen, lehburom ya kani ka Behdieñkhlam wa daw yoh chiboon i kyrkhu kyrdoh na u Trekirot Kynrad khnang wow yoh yei chait i khiah, i manbha manmiat ha i khih i khan, ka puræ puthi, i chongsuk chongsaaiñ ha ka imlang sahlang waroh kawi.
Ha i jooh i por da ong wa e wa ini i lehkmen ya ka Behdieñkhlam daw wanrah khamtam ya i yatylli hapyrdi ki jaitbru yong i khnang wa ka ri wa ka jaitbru u nang roi parum pareh ha ki sngi ki por ki wow wan ha waroh ki liang.
Discussion about this post