Khliehriat: Ka Khliehriat Block Congress Committee da pynsñiaw ko yei kmen wa ka Seiñraij Tuber kamwa jooh man man u snem, ha kani ka kynti leh da lehkmen yaka lehniam Behdieñkhlam ha Tuberkmaishnong wow beh yaka khlam wa i kjut i chitom khamtam ha kam kini ki por wa poor ka khlam COVID-19 ha ri-loom Khasi Jaiñtia ka jylla wa ka ri kamjooh ka pyrthai waroh kawi.
U Deibormi Syad, President ka Khliehriat Block Congress Committee (KBCC) ha ka kyrwoh wa da phah u, da ong “Ka Khliehriat Block Congress Committee e khublei Behdieñkhlam wa suk wa kmen ko ya waroh ki khon ka Raij Tuber yow yoh yei doh i pran wa chait wa khiah wei wow biang ka kamai kajih wa ka roi ka paar salonsar.
Ka Khliehriat Block Congress Committee da e ko leh i kyrkhu kyrdoh deilang wa i duwai yow lai bait lai ryntih wei wow jop kani ka Behdieñkhlam yow beh wei khanglaad yaka khlam wow psiah chapoh ka chnong ka thaw wei wow yoh yaka chongsuk chongsaiñ waroh chi snem lynter.
