Ka KSU East Jaiñtia Hills District Unit da e khublei Behdieñkhlam wasuk wakmen ko ya waroh ki paaid ka bri u Ynñiawtrep Ynñiawskum, deiwa ong wa e wa kani ka Behdieñkhlam u beh noh ko ya ka khlam ka dait, ka sih ka roi wei yow wanrah yei ya maya wei yatylli hapyrdi ka jaitbru kamjooh wow wanrah ya ka chongsuk chongsaiñ ha ka pyrthai hi waroh kawi.
“Ya ka Behdieñkhlam da pynman man-u-snem wei da yoo wa nang yaar nang yaar ko na iwi i por cha iwi i por. E wa u Blai kynrad uwa booh wa thaw wow yada u ya ka ri waka jaitbru yong ngi, yow nang yoh u ya roi parum pareh na kawi ka pateiñ cha kawi ka pateiñ,” da ong ka seiñ.
Ka seiñ chim ko leh ya kani ka kabu wow e ya ka kyrwoh kitbok ya ka lehniam Behdieñkhlam deiwa ong, “E wa kani ka lehniam wa chisien chi snem u man ko kawa phooh wa phieñ, wa chongkun chong Blai hawa u Trekirot Kynrad, ki Blai ki Syiem u hiar kyrkhu ki yow dap u chlai i suk, i kmen wa i maya, heijooh i por wow ri u sumaar sukhær syndong wei wow pynthiah pyndem cha rood cha kiar ya ka khlam ka ngoh.”
Ka kyrwoh na u Publicity Secretary ka KSU East Jaiñtia Hills District, u Hamewanpynhun Ryngkhlem.
Discussion about this post